Типичной дышетӥсь

Типичной ӵукна. 6 час, шудэ будильник. Ӝуштыса йырме небыт миндэре вылысь ӝутисько, пыдъёсме выж вылэ лэзисько. Кутске ужан нунал. Гыжжж ваннае мынӥсько. Одӥгзэ синме усьтонъям, кыкетӥез нош ик кыниське. Мисьтаськисько. Ӵук сиен-юон часта дасясько, кофе зын кухняын лосъяське ни. Кузь юбка, суйесты ворсась блузка/кофта. Часлы вазьгес сюрес вылэ потоно пробкаос йырин. Быдэс дуннез, вань калыкез адӟемпотостэм карисько. Мантра сямен ас поннам "Мон яратӥсько нылпиосты! Мон соосты яратӥськоо!!..дыр.." Азьланяз 1 час, озьыен рос-прос сайкан понна 60 минут вань на.

Типичной суред. Троллейбусын йыр сайкиськиз, ог час пала мыныса дугдылонние васькисько. Школа котырын кузьылиос мында ни нылпиос, анай-атайёс, песянай-песятайёс. Азьпалан кыӵе ке анай, пичи пиез одӥг пыд вылаз тэтчаса мынэ (укыр пичи на, соин ик шумпотыса тэтча, ортчоз кӧня ке дыр – сое тракторен но уд вайы ни). Профессиональной, лэчыт синмын валасько – 1тӥ яке 2тӥ класс. Со бызе кенер вӧзтӥ. Кызьы ке 2-3 метр ӧс дорозь ук вуы, кенер борды йырыныз мертаське. Мон паймыса интыям дугдӥсько. Маке уг тупа. Вамыш азьлань, нош ик мертчиськыны турттэ кенер боды вискы. Вотс ап?? Нош ик фэйл. Озьы 5-7 пол. Кызьы ке 8тӥ полаз йырыз кенер бодыос вискы тэре но пияш мотор нумыр сямен позыръяськыса школа азбаре сюре. Кенер вистӥ. Огшоры ӧсозь 1 метр. Анаез киыныз гинэ шонтэ. Типичной пинал. Азбарын кин-ма каре ни, йыр вылазы гинэ уг ветло, м.к.ш. неудобно.

Типичной школа коридор. Удмурт охранникен ӟечбуръяськыса школа терртиторие вамыштӥсько. Урамын пеймыт, бертыны потыкум нош ик пеймыт луоз ни.. Коридор. Татын котьку спортивной ӵошатсконын кадь. Бег с препятствиями. Могӟет кылдыто тэшкыльтымон пичи нылпиос. Соос ветло, бызьыло, ӟыгыръясько, жугисько. Куд-ог дыръя мыным но сюре, кудӥз-соиз ӟыгыртэ, мукетыз пичи мыжыкегыз шуккыса вуэ (эшсэ шукконъяз, конечно). Лыктэ дышетскисе, Вика, светской беседа нуыны тырше "Вуиды-а?" Мон, мыняны тыршыса "Оо" (ваньмыз ӟуч сямен). Пиналъёслэн субординация, дистанция кылъёсты валанзы ӧвӧл на, соин ик пальто воротнике борды вурем песец доры пичи ки кыстиське. Нылаш визьмо ымнырын "Это у вас норка?" Мон (7.45 ӵукна) шораз долкаса учкисько, мазэ-созэ валатэк шокчисько "Неет", нош йырам сю сюрс малпан берга, кинлэн со гонэз вал ай?? Со куспын Вика, улонэз валась куараен, монэ жаляса кадь вера "Искусссственный", 180 градуслы берытске но кошке. 1:0. Не в мою пользу. Урокозь 15 минут кыле, абдранме палэнэ куштыса, кабинетам дыртӥсько, сюрес вамен табере ог 2 метръем нылъёс но пиос ветло. Старшеклассникъёс. Маин соосты доразы сюдо? Растишка сыӵе уг юртты. Соос радиактивной зонаын уло ке шат? Нылъёс сураллям школа коридорез MD-models-ысь кастинген. Уфф. Кабинетэ.

image_4

Типичной урок. Яратӥсько нырысетӥ урокъёсты. Нылпиос изе на. Мон но!! Соослэсь но, аслэсьтым но улонме капчиятыны тыршыса ми калленом кырӟаськом, маке тетраде гожъяМЪЯСЬКИськом. Кыкетӥ урок. 40-50 минут ӵоже пичи изьвергъес сайкаса вутто. 10 минут куараме шаугетӥсь классын волятӥсько. Распевка. Дорысь ужез эскерыны кутскиськом. Али луоз виро ожмаськон. Котьку сюре огез ке но дышетскись, кудӥз 5 манет быдӟа синъёсын шорам паймыса учке но вузэ "Не было этооовооо, ну не было! Наизусть было, в тетради было, а про диктант не былооо!!". Таӵе учыре огдырлы ачим но оскыны кутскисько "Может мон рилли лох и вунэтӥ сётыны?? Но соку кытысь кылемез класс тодӥз диктант сярысь? Телепатия?" Интыяз пуктон вылысь дневниксэ курисько но карандашен журналэ двойка пуктӥсько дасяськымтэез понна (дорысь ужез лэсьтымтэ). Огдырлы шыпыт луэ. Со куспын вуттоно выль материал вераны, диктант ортчытыны но дорысь уж сётыны. Ӧд вутты - лузер.

image (2)

image

image_1

Типичной учыр. Мон кемалась дыши ни пӧртэм нимъёслы вазиськыны: Марина Михайловна, Ирина эммм Владимировна и тд и тп. Куд-ог дыръя тетрадязы но шонертэм гожто нимме, соку горд ручкаен таш-таш гожтӥсько: Ирина Михайловна. Прикол, куке в упор уг тодо нимме но, тулме но. Вӧзам лыкто, улӥысен вылэ (соос гогы дорозям вуо, дыр) учкыса, саесме кыскало "Тииичее" (прим. мынам тиче - англ. teacher) Круть! Асме Тибетысь васькем пилеш, вашкала, векчи синмо китай монах шӧдисько. Соосты но егит, пилеш, векчи синмо дышетскисьёссы "Лао ши" шуо (прим. мынам лао ши – то же самое, что и тиче, но китай кылын).

фотография-5

А куддыръя тиче интые сураськыса (яке сураськытэк) чикен (chiken – Ростикс, Макдак и проч. фастфуд) или китчен (kitchen – дорысь сиськонни) шуо. Соку борддоре йыгаме йыгаськеме потэ.

Вань мынам "яратоно" МЫша пияше, со регулярно мыным кузьымъёс кельтылэ:

image_6

image_7

Типичной дышетӥсь. Мон сыӵе. Урок нуыкум пинь висьытозь нош ик аслам дышетскись луэме потэ. Пуктылӥсько "кыкъёс", урокын котьку тоталитарной режим возисько, пед.советын айпэдэн шудӥсько, нунал пумын школась потыкум кӧня ке гинэ с низкого старта бызьыса уг кошкиськы. Пинал кадь шумпотӥсько пӧртэм кузьымъёссылы:

image_2

Но утчалэ гинэ малпаны мон нылпиосты уг яратӥськы шуыса! Кымесады вутто :) мелэн.

Урок бере журналэ гожъяськыкум вӧзам лыкто но пельпумам нырынызы донгисько, пичи киосынызы чыртыме ӟыгырто. Куддыръя йӧно тэшкыли лыктэ но данъяськыса ивортэ "А я до 27 считать умею!!", ну сыӵе мусо потэ (правда со 100-озь лыдъяськын быгатыны кулэ ни..) Англи кылъя ке тон дышетӥсь, нылпиосыд хоть сюрс мед луозы, хоть вить пол нуналаз котькудӥныз адӟиськы, но дась лу коридорын соосты ваньзэсты пумитаку кылыны котькудӥзлэсь "Хеелллоу, тичее" и утча гинэ вазьытэк - смертно куатасько.

Гожъясько та #мимимизм потсэз, нош ачим куанӥсько - Выль арозь толэзь гинэ кыле! Шутэтскооон!! :D

image_3

image_5

ЗЫ: Котькинэ чмок!

image_4 (2)

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер