«Пузкар». 9тӥ нунал.

Азьланьтӥсько "Пузкар" кинолэн съемкаосыз сярысь гожъямме. Котькуд нунал маин ке но пӧртэм луэ, маин ке но йыре кыле. Кылсярысь, туннэ шудон понна Маша нимо ӟуч нылашез ӧтизы. Куанер нылаш. Со тодэ-а меда солы "лёгет нылаш" луыны шуд усиз шуыса? Ватсаны кулэ, "лёгет ныл" (подстилка) - со неологизм, кудзэ Дарали юри та кинолы малпаз!

Со сяна куд-ог интыосты пусйытэк уг луы:

# Уг кылӥськы ни Петырлэн ӟукыртись "Акция" шуэмез, таяз съёмкаосын солэсь интызэ басьтӥз Сережа Наговицын (Костяен Ложкин соос кинолэн режиссёръёсыз луо, кыкназы но Щепкин нимо вылӥ театральной училищеын актёръёслы дышетско).

# Куанер Ваня Плотников (героез Степа) туннэ 9 (!) варенняен нянь юдэс сииз. Номыриз но уг лякиськы на-а меда? "Узы-боры" дыръя ми Костяен Никитин чаен пельккиськиськом но табанез эскымон сииськом вал.

# Туннэ Дарали пусйиз: "Нырысь киноез лэсьтыку, мон тазагес вал. Али начарми кӧня ке. Озьыен куинетӥ кинолы воксё векчи луо". Ярам. Туж умой! Отчыозь улом ке.

# "Камера дась", - котьку но шуэ вал Доминик ("Узы-борыысь" оператор, Петырлэн выныз). Таяз таки полякъёсмес удмурт кыллы дышетыны ӧм быгатэ . "Камера пОшла", - кылӥське Рафллэсь котькуд кадр азьын.

# Наговицын кырӟаса ветлэ "Улӥсько мон дурдомын - инвискинопоттониын. Дышетскисько Москваын, Щепкаын". Йыр сураське ни ваньмазлэн! Куанеръёс!

# Петыр Палган нимо выль премия кылдытэмын. Пыр-поч ачиз мед вералоз!

6JDJjPunAk4 GNHAQh7jtAI

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер