Пӧйсуред (Мираж)

Со тырысен ог 2 ар ортчиз ни. Сережа Ёлкин (со ик Ури-бери) жингыртӥз мыным скайп пыр но куриз юрттыны солы - берыктоно вал кырӟанзэ удмурт кылэ. Кӧня ёртӥз монэ берло но, ужме быдэстытозям!! Но маке пӧрмиз :) Али, Серёжа сое сцена вылысен кырӟакуз, аслым дото кельше кылзыны ни... Кылъёссэ татчы ватсасько, медаз ыше-быре шуыса... :)

Корабли в пустыне

Пӧсуред

Мон котьку выль малпан утчасько
Кӧня пол ини уйвӧт адӟисько
Нылаш, кудӥз тыбырыныз сылэ
Возьма, тон туж мыным али кулэ
Кытчы тон, ури-бери, кылӥсько берам
Нылаш сьӧры мон бызисько, кудӥз котьку йырам
Кытчы тон, ури-бери, ваньмыз пеймытын
Кылдо шузи адӟонъёсы егит йырын
Быдэс лулы висе, шокам уг лу
Кылдэ малпан, мон гожъясько соку
Яратон сярысь, улон сярысь
Кылъёс лыкто мон доры инбамысь
Нылаш малпанъёсысь, кытын-о тон?
Оло инсьӧрмуын, уг тодкы мон
Кытын утчан?
Кызьы утчан тонэ?
Инмар, одӥг инмар гинэ сое тодэ
Огнам но пукыкум буш коркаын
Мон валасько - воксё огнам та дуннеын
Малы кырӟанъёсы но ӝожмытэсь?
Малы шудо малпанъёсы сокем лекесь?
Малы номыр уг пӧрмы малпан кылдэмъя?
Тон паймыса эн ул, тон лэсьты, вырӟы, паймытъя!

Шумпотон, кайгу, зэмлык, алдан,
Сюлэм пилиське кыклы – со ӧвӧл андан.
Лул мыня куректон пыр, бӧрдэ,
Но тодко, огнал берытско югыт дуннее.

Урод кылъёс кылэм уг поты тон сярысь,
Мон окто шимес пилемъёсты инмысь.
Пилё куректонэз
Но ноку уг вунэты мусо нылэз.
Мусо нылаш, тон возьма, тыныд верасько.
Тон чебер дэремен, тыныд вӧсяськисько
Тон дугды, учкы, кылзӥськы монэ
Тыныд, огнад тыныд усьтӥсько мон сюлэмме.
Малы, малы соку тон уйвӧтам лыктӥд?
Со тырысен лулме бугыръяны кутскид
Кылчин сямен уй пилемтӥ ортчид
«Яратӥсьско тонэ» сюлэм вылам гожтӥд
Дугды, эн кошкы, вай тыныд верало
Сое, мар сярысь кылбуръёс гожто.
Дыр вуиз мыным тӥ понна кылбураны
Кутскисько мон со сярысь нош ик малпаны.

Туж мусо, чебер, егит, усто
Эшъёсыд тонэ ваньмыз ик ярато
Котьма ке но, льӧль малпанъёс сюлмын
Пумиськом тонэн ми уйвӧтын... инмын...

Ури-бери

ЗЫ: Сережа - ӟечок, ӟуч но, удмурт но кылын гожъя кырӟанъёс, дышетске Мускоын, будӥз Н.Челны карын, нош ас калыксэ уг вунэты  Выль малпанъёс но вормонъёс тыныд, эше :-*

Mr. Ури-бери — Мой идеал

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер