#почтиучилка

Анае сяна кин ке лыдъя ке ужан стажме, со тодэ, май толэзе луоз 2 ар дышетӥсь луыса ужан кутскемелы. Таин валче школаысьтымы, олокин луыса ужась кышномурт дэмлаз 1тӥ категория басьтыны. Басьтыны умой вылэм но, капчи вылымтэ. Олокыӵе терминъёсын йырме сураса, доре лэзиз, малпаськы, пе. Мам мон пумит шат? Только толыке ӧвӧлы.. Йырам ӝож куараен шуккиське  #почтиучилка (тыро-пыдо дышетӥсьёс «училка» кыллы медаз йыркуръяське, со самоирония). Бен. Кин мон? Дышетӥсь шуыны асме кыл уг вырӟы на, почтидышетӥсь иське. Лэзе, шуисько, курсъёсы. Иське мон шузи. Так то кылем гужем басьтэм дипломен тонэ кужмысь дышетскыны нокин уг косы, пе, нош потэ ке, мын. Одӥг гинэ ӧвӧл, куиньзэ (!!) бырйим. Олокин луыса ужась кышномурт таки пумозяз ӧз вала лэся, малы мон англи кылъя курсъёс интые этнокультурной компонентлы дышетскыны мынӥ. Интуициелы, шӧдонэлы мон юн оскисько. Дышетӥсьлэсь нимзэ адӟыса ик валай – арня юнме уз ортчы. Волкова Татьяна Геннадьевна. Кин ке уг тоды на та адямиез, ОДНО ИК, одно ик тодмастконо, нош бӧрысь бӧрсе ваньмыз.

R1Wu8-3oHLc (1)

Вордӥськон

Курсъёс: Республикаысь Дышетӥсьёслэсь тодон-валанзэс будэтонъя но паськытатонъя институтэ пипукуар сямен дырекъяса мынӥ. Оломалы. Юало кыӵе курсъёсы вуи, киосы куалекъяло, уг ни тодӥськы. Шедьтӥ: «Проектная и исследовательская деятельность этнокультурного содержания как инструмент формирования УУД». Вуи кабинетэ – 1 мурт пуке. Арлыдо. Бедаа. Эшшо огпол йыркуръяськыны кутски, кыӵе мон дышетӥсь шуыса (та мынам яратоно пунктике). Пуш монологе кульминацие вуыкуз, куке синкыли потыны ӧдъя вал ини, классэ вамыштӥз Татьяна Геннадьевна и вот соку ик малы ке но валай, та адями монэ али мыжыказ кырмоз, бӧрдыны уз сёты – йырме капчияк маялтӥз, мазэ-созэ юаз, нош мон буйгай. Со кусыпын класс дышетӥсьёсын тырмиз. Соос монтэк 22 мурт. Ваньзы арлыдоесь («Соос монэ нылпи карозы»), одӥг-кык гинэ егитгес ымныръёс («Хоть таос ке пиналэсь»). Кутскиз шоу. ТГ цельёс пуктытӥз, доска доры потыса вераськытӥз на («Эээ.. Мыным гинэ дышетсконо ӧвӧл ай»). Группаослы люкыса уж сётӥз «Мар со этнокультурный компонент?» – ужано интернетэн, книгаосын. Ярам мон гаджетоманка, информация туж ӝог сюриз. Ярам мусогажанояратоно Татьяна Фёдоровнае (Юмина) монэ дырын-дырын та темае йырыным зымытылэ. Тыбырме шонертыса группаысьтым кышноослы валэктӥ, ма со сыӵе, кытысь потэ, маин сиёно. Ас поннам сю пол бамаз чупай Юминаез! Шӧдӥсько, дышетӥсьёс шорам гажасагес учкыны кутскизы кадь. Нунал тазьыгес ик ортчиз. Эскеримы на, мар со УУД. Али уг валэкты. Дышетӥсь ӧвӧл ке, уд вала.

Со сяна: Ӝыт томо луиз, куноос вуо шуыса. Ручкина эсьмаса куинь пицца пыжиз, Симо квартираын пылесосэн утялскиз, мон пумозяз «Интерны»-лэсь N-ой серизэ учки. Вуизы Silent Woo Goore-ысь Гриша Степанов Polina Kubista кышноеныз но Вова Жуйков. Туж мусо пукимы (азьло сямен, куке Степановъёслэн 2 пиналзы ӧй вал на). Пиццаез кӧтэ интыяса но ӝыны ке но килограммлы кӧяса изьыны выдӥмы.

Минусъёс: Та нуналэ мон лобӟи туж тузӥ проектысь, таин валче верантэм возьыт, горе, печаль, мон – лох.

Пуксён

Курсъёс: Ужмы кутскиз рефлексия бордысен (та туж кулэ луись амал). Нош ик группаослы люкиським – «проектирование» кыллы валатон гожтоно. Паймымон. Дышетӥсьёс монэн ас радазы сылӥсь муртэн кадь верасько. Нимтулъя вазисько. Дэмланъёс сёткало, мае-сое валэкто, асьсэос юаллясько – туала технологиосты валаны соослы секытгес ни. Иське ми ужмылэсь зарни шорзэ шедьтӥмы, ог-огмылы юрттыны дышимы. Таӵе ӟеч малпанъёсын дышетсконмы пумозь ик пуки. Занятие бере ТГ сураськем малпанъёсме сэрттыны-пертчыны юрттӥз на. Яратӥсько Татьянаосты. Анае но Таня :)

Со сяна: Дышетскон внезапно кутскиз. Oops.. Мон магистартураын на?! Расписаниысь сьюпервайзерелэсь Орлов фамилиез адӟыса, лобыса дыртӥ универе. Облом. Дышетэ Воронцов, пе. Этносоциология. Котьку сямен мон бер кыльыса пыри парае. Владимир Степанович нимме, эскерон удысме юаз. Кӧня ке дэмланъёс сётӥз (мегадэмлан арня). Мон солы 2 пара куспын синмаськи кадь, та умой примета, иське параосаз ветло, семинаръёслы дасясько. Оскымон, экзаменме но сёто.. (кылсярысь дышетскиськом южтолэзь пумозь, бе-бе). 20.30 дышетӥсьмы жаляз лэся милемыз, лэзиз. Кошки Симоез келяны ж/д вокзалэ. Симолэсь но мӧзмо, урамын но кезьыт. Вӧзам сылӥсь Светӥлэн сыӵегес ик малпанъёсыз вылӥллям вылды. Келяським. Бертӥм. Яратоно Интернъёсме уйвӧтам но адӟи кадь.

Минусъёс: ӧй вал ке шат.

Вирнунал

Курсъёс: Туннэ локацимы Кузебай Герд нимо гимназиын. Та инты кузьыли муӵ выллем – калык бызьылэ, куинь пумо куноос вуо, курсъёс мыно, удмурт кылъя олимпиадаын ёросъёсысь но Ижкарысь вуэс нылпиос йырзэс тӥяло, соосты ваем дышетӥсьёс семинарын пуко, гимназиысь пиналъёс Анай кыллы сӥзем нуналлы но 23тӥ февральлы дасясько. Ураган. Широбокова Валентина Григорьевна мыняса валэктэ: «Ми дорын котьку тазьы». Милемыз пумитазы пиналъёс, соослэн, пе, технологияя уроксы. Удмурт сиён сярысь тыршыса мадизы, доразы пӧрам пыжиськемзэс ӝӧк вылэ пуктӥзы. Али, пе, шевера пыжом (анае но мыным пичи дыръям пыже вал). Ачим пукисько азьпал радын, нош син азям кино кадь: тани мон 7тӥ классын дышетскись, школае куноос вуо. Ми соосыты пумитаськом, кырӟан кырӟаськом, куноятӥськом. Веран кылъёсмы пичи кагаз вылын гожтэмын, тулкымъяськыса рос-прос лыдӟыны но, ас кылын вераны но ум быгатӥське. Дышетӥсьмы гордэктэ, собере мыня. Кӧня ар ортчиз? Мон табере ачим ӝӧклэн СОпалаз пукисько. Дышетӥсь, пе. Куно, пе. Шекера, пе, сие. Та малпанэн школатӥ калгыны кошкисько. Дышетӥсьёсме сӥньысъёслэсь пунӥськыны дышето. Собере кык мастер-класс выллем урок (паймиськомы Демакова эшлы, кызьы изьыны гинэ меда вуттэ?) Дыртӥськом тренинге ТГ доры. Ми кык нунал ӵоже ыбылэм ӟольгыриос кадь йӧно пуксиськом, тодӥськом, мар шонер вераны, табере мукет вуэм дышетӥсьёс мед паймозы :) А соос паймо! ТГ-лэн шоу, мон куаныса кӧня ке уг мрр-гетӥськы. Йыр-визь сынан, малпаськон, рефлексия. Кытын кем он тормознуть кариськем, рефлексилы дась ӧвӧл на. Трениг бере, пе, «Узы-боры» возьматом, тае кылыса тӧл кадь лобӟисько гимназиысь.

Со сяна: Параосмы ӧй вал.

P.S. Та постме дыраз гожтыса ӧй быдты, берло юри йылпумъяме ӧз поты ни. Одӥгзэ вераны быгатӥсько - ваньмыныз дышетӥсьёсын ми ӟеч эшъёс кылим, берпуметӥ занятиын номеръёсынымы воштӥським но куд-огеныз ӵем гинэ адскылӥськиськом.

DQyZO6Jl4Uc

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер