New

Ӵемысь луэ кылыны – «Выль арысен выль улон кутскисько». Малы меда озьы? Малпасько, Выль ар луонлык сётэ ас улон сюрестэ выль тӧдьы кагаз вылэ гожъяны кутскыны. Трос аръёс ӵоже 31-тӥ толсуре, мон, ӝӧк сьӧры пуксьыса, чылкыт кагаз вылэ выль аре быдэстон план аслым гожтылӥ. Таиз ар пӧртэм луиз. Нокыӵе план ӧй гожты. Кагаз юдэсэз юнме ӧй гожма.

Выль улонэз выль амалъёсын кутсконо. Пурысьтаны кутскем йылолъёс бордысь куштӥськоно. 2012-тӥ арлэсь быдэс берпуметӥ нуналзэ эшъёсыным серекъяса-шулдыръяськыса ортчытӥ. Шыпытэн огъянъёс лэсьтӥ. Мукет, эрико улонлы кӧня ке кат малпай: Ваньзэ мултэссэ – жаг ведрае. * Вуж, сюлэме лякиськем, но кулэтэм, интыез басьтӥсь арбериосты куштоно. Тӧдьы пелепононъёсы ар пала уг ужало ни, нош сэрпалтыны жаль.. Куштоно. Со интые лучше-ка выльзэ, гордзэ басьто! * Диета сярысь туспуктэмъёсты но брошюраосты – мунчо гуре. Котькуд нунал астэ курадӟытӥськод соос шоры учкыса, нош толЫкез ӧвӧл. Яратоно астэ сыӵеен, кыӵе инкуазь кылдытэм! * Улон вылэ ӝожтӥськонэз, быдӟаськонэз, чагиськонэз – палэнэ но кыдёке! Утчаса но медад шедьты ни! * Будильниклы ӵукна быдэ: «Эшшо 10 минут» шуондэ йырысь ик ӵушоно. Яке султылоно, яке изёно. Ачид астэ котькуд нунал алдаськод! * Нунал быдэ ӝожтӥськондэ – «Ваньзэ-а мон ӟечезлэсь но ӟечгес лэсьтӥ?» «Nobody is perfect!» - тае син азьын диета сярысь плакатъёс интые возёно. Тыршыса лэсьтэм уждэ яратыны дышетсконо.. со огшоры пӧрам шыд ке но. * Ортчемез сярысь ӝожтӥськондэ. «Шонер-а мон лэсьтӥ 1-2..10 ар талэсь азьло??» Соку шонер карисько кадь йӧтэ вал! Али уг! Мар на табере?! Ог 7 ар талэсь азьло мыным туж мусо йӧтэ вал школае кӧтэз возьматыса ветлыны. Тодам вайыса ӵыж-ӵыж гордэктӥсько – сокем шузи адскиськомы, дыр, вал дышетӥсьмылы. Нош кыӵе пиос кельшо вал?! Остэ! Тодам лыктэ но, вылам кирос понӥсько! :) Котькуд ӝыт юыса ветлӥсь, кыскись, «мать» кылэн тышкаськись, мотикен ворттылӥсь пи – идеал.. йӧтэ вал.. Нош анайлэн верамез – номыре валасьтэм муртлэн ӟукыртэмез кадь йырам шуккиськылӥз. Палэнэ гордэктонме! Ваньзэ в Past Simple, но вунэтоно ӧвӧл ваньмыз та – аспӧртэмлыко experience шуыса. ваньзэ-ваньзэ ӵушоно. нырысь ик йырысь. * «Ӵуказе мон сайкало, но...» котькуд уй 2-3.. 15 ар ӵоже. Потэ ке, лэсьты! Уд лэсьтӥськы – уг поты! Нырысь кутскы, кельшиз ке, азьланьтод! Лыдӟы суахили кыллэсь грамматиказэ, буя йырсидэ, тэтчы парашютэн, поездэ билет басьтыса, шонты Питере, пыжем бакаез, тараканэз веръя! Оло кельшоз? Ӧжытгес малпаськы сием бакаед берен ымтӥд потоз шуыса! Кут но утча!

DhvBCR2bAOk

* Вуж дӥсьтэ – кыдёкегес! Таиз дэрем чебертэм пельпум вылад кылле, соиз штанед макесъёстэ зӧкомытэ, кофточкалэн буёлэз йырсиедлы но, синмыдлы но, аслыд но уг тупа! Соку малы сое ваньзэ чидано?! Ярасьтэм дӥсь тӥрлыкез син азяд малы возёно?! Кузьма сузэредлы – оло со кемалась дэремдэ уйвӧтаз адӟе ни? :) * Мултэссэ кыл сётон. Уг кельшы, соглаш ӧвӧл – эн басьтӥськы! Уг кельшы пияш – ӧвӧл кулэ ӵуказе жингырто шуыса кыл сётыны. Астэ но, СОЕ но пӧяськод. Дышетскы синме ваньзэ пырак вераны. Шоканы ик капчи луоз! * «Уг быгатӥськы! Уг валаськы!» - вунэтоно! Дышетскы машинаен ачид ветлыны, ваннаысь кранэз тупатыны, блогад туспуктэмъёсты «куштыны», шыд пӧраны! Сэртты-пертчы, дышетскы, вала! Вормид ке шуг-секытэз, макем астэ кужмо но визьмо шӧдод! ;) Уг пӧрмы, соку быдӟасьыктэк коньдон тырыса зэмос ӧнерчиослы вазиськы! Ачид аслыд шугъяськон малпаськод! * Сюлэмез сӧсыртӥсь тодэ-ваёнъёсты ишкано, лёгано, сутоно! Азьло бойфренддэ тодад вайыса киыд куалекъя? Delete сое улонысь! Адӟид фотозэ? Нош ик delete! Ассэ адӟид? Учкы котырак, оло вӧзаз выль яратонэд ветлэ? :) * Шыпыт, чус улон, ас малпанъёстэ ас бордад возён, ваньмыныз соглаш кариськон манердэ, футболэн шудыку тупез сямен, ӵыжыса лэзь! «Мар калык малпалоз?» Кызьы астэ возьматод, озьы ик малпалоз! Шыпыт улӥд ке, воксё номыр уз малпалэ, уз ик адӟе тонэ! Кулэ-а тыныд сыӵе улон? М?.. * Шуныт комнатаын интернет борды лякиськыса пукон амалдэ мыжыкад люка но укное тӧлъя сэзъяса лэзь! Али ик! Тани мон Выль улонме кутски ни – мынӥ катоке, театре, выль сиён веръяй, нош тон али но татын сыномыса пукиськод! ;)

sl3Xb4KDvQc

P.S. Та катъёсъя гинэ уд улы, валасько. Озьы ке но, макем ТОН (мон) капчиен шуг-секытъёс шоры учкыны кутскод!

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер