Мистер чеберай

Удмурт чеберайес понна нош ик ялэмын выль ӵошатскон «Мисс ИТАЛМАС – 2012». Нош ик кутскизы пӧсь ченгешонъёс - кулэ-а ӧвӧл-а купальникъёсын этапез ортчытыны. Валамон ини, пиос огкылын шуо: "что за юан эшшо, конечно кулэ! не то чтоб нылъёслы кулэ...пиослы кулэ чтоб нылъёс мед гольык мугор и тп, наверно". Тросэзлэсь нылъёслэсь (мынэсьтым но) малпанъёссэс шарая Марина Галичанина: "измените испытание №4...напоминает другое..а не Мисс Италмас".

Англичанъёслэн та учырлы вань тупась веранзы: "Many men many minds" - "Кӧня адями, сомында ик малпан". Соиз зэм! Монъя ке, та этапез малпазы воргоронъёс, дыр! Юалэ нылъёслэсь: "Потэ-а тӥляд лыктэмды конкурсэ "гольык" нылъёсты адӟон понна?".. Куд-огез шуоз: "Бен, потэ, чебер адями котькызьы но чебер луыны кулэ, дӥсен но, дӥсьтэк но". Но зэмзэ ке, нылъёс та выллем ӵошатсконэ мыно учкыны, макем чебер ӵошатсконэ пыриськись нылашъёс быгато асьсэзэс сцена вылын возьыны, кыӵе дэрем дасяллям "дефиле" этаплы, тузӥ-а сыналлям-пунӥллям йырсизэс, яркыт-а син-ымдурзэс буяллям. Нош купальникен конкурс вакытэ лыктэм нылъёс ганяк сыло малпаськыса "мынам макесъёсы котькызьы ке но вольытгес", яке "чорт, макем таиз векчи но веськрес", яке "кӧй парсь, малы со татчы лыктӥз?". Мар малпало та вакытэ пияшъёс? Тыршомы малпанзэс валаны: "кукыз кузь, шонер/кырыж! гадьыз тыр". Пиос, нош ми ке тӥ шоры учкыса озьы ик малпаським? Слабо-а сцена вылэ одӥг ул дӥсен потыны? :) Малпасько, нылъёс дото лӧптысалзы!

Стена

Син азяды гинэ, нылъёс, пуктэ - кин тунсыкогес быгатоз улдӥсьсэ чеберманы (пужъятыны, вурыны мар ке вылаз яке воксё керттыны, чильпаны).

Эрки Верки

Возьдасько ке, мед чебермам, удмурт шӧмо ӵушконэн ворсаськозы (яке кызьы ке соин "шудозы"). Та этапын соос быгатозы асьсэлэсь креативностьсэс возьматыны: мылкыдзы вань ке, эсьмаса эктыны но яралоз.. Шуом, чебермам улдӥсен, чебермам шлёпкиен/кроссовкиен/сурон сапеген мед эктозы пияшъёсмы "Чебеляй" ансамбльысь мусо нылашъёсын!!

Мар-о? Воображение шудэ :) Яке, Порзмафи сямен, кулэ радъяны ӵошатскон "13 тужгес но мусоосыз но учкымонъёсыз удмурт пиос" Вормисезлы - удмурт чеберинаен календарь 2012-тӥ арлы!!! :)

Кӧня ке палэнэ кошки "купальной" темалэсь. Кыӵе валтӥсь малпан мынам потэ вал пыртэме та статьяе? Ӧвӧл кулэ калык азьын кылиськыны мылпотытэк яке (мар уродгес!) коньдон понна! Огшоры шулдыръяськон понна яра:

Экватор

Чеберлык понна тоже яра :) :

Настя Италмас

Оскеме потэ, 15 южтолэзе "Мисс Италмас" ӵошатсконэ (http://vk.com/italmas2012) пыриськись мусокайёс коньдон понна уг, лулчеберет понна, "дуннез адӟон, астэ возьматон" понна сыӵе вамыш лэсьтыны малпазы!!! :)

Нош туннэ, 8-тӥ южтолэзе, ӟечкыламе потэ вань нылъёсты-нылкышноосты таӵе тулыс югыт, шулдыр нуналэн! Котьку чебер луэ, яратоно пияшъёстэс/кузпалъёстэс пальпотэменыды шумпоттылэ! "Яратэ соосыз, чупаське! Егит дыр одӥг пол гинэ сётӥське"!!! XDD

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер