Midsummer уй

Быдэс дунне ТВ пыр FIFA учкон вакытэ ми Быгы гуртэ сюримы. Пӧламы одӥг нылаш сяна фанатъёс ӧвӧлтэмен-а яке дырмы ичи луэмен-а йырамы ӧз ик лыктылы, кадь, матч учконо шуыса. Нунал ӵоже тыршыса ужам бере, финнъёс тодазы ваизы: туннэ Midsummer night (яке финн сямен Juhannus). Вераським ӝытазе шур дуры васькыны, 4 кузя ке но тылскем дорын пукыны, шашлык пыжыны да мар да… Кин ке поттылӥз тыл вылтӥ тэтчано, пе. Ас поннам малпай, туннэ тылскем вылтӥ тэтчалом ке, кинлы ке та уй midsummer интые, улоназ the worst уй луоз яке воксё the last. Озьыен экспедицимы йылпумъяськны кулэ вал. Ӧвӧӧӧл. Вунэтӥськем Быги гурт ас кунооссэ сыӵе капчиен гинэ уг лэзьы шуыса :) Табере радызъя.

Gd8QLESXbDE

«Jäänreunan kansat» («Народы ледяного края») проект малпамын финн-угор калыкъёслэсь асваланзэс (самосознанизэс) юнматон понна, выль амалъёс шедьтыса дугдытыны кыллэсь но лулчеберетлэсь лябӟонзэ.

Самой со выль амалъёс шедьтон вылысь Финн шаерысь усточиос Быгие вуизы: Паулиина Хулкко – тодосчи, театръя профессор (милемлы таӵезэ секытгес валаны, дыр), драматург, режиссёр. Йоанна Хаарртӥ – актриса (футболэн тунсыкъяськемез сяна тросгес так и ӧй тоды со сярысь), Маттӥ Айкио – документалист, Тромсӧ (Норгвегия) карын документальной фильмъёсты лэсьтон колледжын дышетскиз, татын ик улэ, эшъёсыныз ӵош видео лэсьтон студия усьтӥзы: фотоен выро, кадь, но пӧртэм адӟытонъёсын. Та пияш туж ик финн вылымтэ, зэмзэ вераса со – саами, улонам кыкетӥ тодмо саам. Эмилия Скарнулите – документалист, таиз но финн ӧвӧлгес – Латвиысь нылаш, дышетскемын Миланын скульпторлы, собере ни магистр степень Тромсӧ колледжын басьтӥз. Симо Кантеле – азьтэмез гинэ уг тоды та товарищез.

Огез мукетызлэсь аспӧртэмлыкогес адямиос 5 нунал ӵоже Быги калыкен ужазы. Паулиина мастер-классъёс но ӝӧк сьӧрын кофе юыса кенешон пыр тыршиз валаны, кызьы пересъёс, егитъёс но покчиос ас удмурт кылзэс шӧдо, кызьы сое возьматыны быгато: кырӟаса, эктыса, гожтэтъёс гожъяса. Паймымон, но мон понна тужгес но капчи вал апайёсын (бабушъёсын) ужаны. Таосты кема курыны ик кулэ ӧвӧл, куриськод мае ке кырӟаны, соос вань репертуразэс но быдэстозы, улонзы сярысь но мадёзы, гуртысь легендаосты, вашкала вӧсяськонъёсты тодазы ваёзы. Нош кызьы финн профессионалъёс ужазы егитъёсын но покчиосын мон, жаляса верано, верамысьтызы гинэ тодӥсько, уго Ижкаре кошкылоно луиз (кинлы ке школаын ӵукна чай юыны кулэ ук).

0NNuvtVsq3I

MrdseuCKdrY

Ужзылэн пумаз вуыса туж ик трос юрттыны но ӧй быгаты ни – асьсэос ваньзэ дасяллям. Берпуметӥ нуналаз – удмуртарняе – гурт клубын отчёт выллем пичияк концерт ортчиз. Сцена вылын пичи нылаш, со лыдӟе (ас?) песянаезлэсь егитъёслы сӥзем гожтэтсэ. Со вӧзы пуксе егит ныл (апаез? ачиз ог 10 ар ортчыса?) но лыдӟе аслэсьтыз ик 10-20-50 ар ортчыса аслыз сӥзем гожтэтсэ. Экранын гуртысь бабуш егит дырыз сярысь маде. Нылъёс сцена вылысь пегӟо, нош соос интые пото "апайёс" ортчись даур сярысь кырӟанэн, соосыз вошто егит нылъёс "Ой, италмас" кырӟанлы дасям эктонэн, нош пумаз пичи тэшкылиос ватскасько на но ваньзы ӵошен кырӟало тужгес но тодмо удмурт калык кырӟанэз "Лымы тӧдьы". Нимаз-нимаз туж капчи быдэстымон. Ӵемысь ми сое ик адӟиськом сцена вылысь: номер бӧрсьы номер, нош кыӵе-мар герӟетсы? Валантэм. Татын нош Паулиина быгатӥз калыкен ӵош 40 мин ӵоже адямилэсь быдэс улонзэ возьматыны, удмурт адямилэсь улон философизэ, пуш дуннезэ. Эх, видео ӧй лэсьты... Оскисько, Быги калык понна та арня юнме ӧз ортчы емышъёсыз потозы ай.

vh0_e_UQL14

Нош кызьы быриз ӝыт шур дурын – вандэмын цензураен ;)

PdFSBb0SJdA

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер