Эктон корка

Мылкыд али слезливо-сопливой, соин ик постэ но сыӵегес луоз. Тани Тихонова инстаграмаз туннэ репетициысь туспуктэмзэ куштӥз но мынам пушкы воксё тыриз... Уго 2,5 ар Эктон корка студие ветлэме бере, али отысь кошисько. Кӧнялы ачим но уг тодӥськы. Арлы? Пыраклы?..

yPcHPcPaR9M

Толсур, 2011 (толэзьлэн шорыз вал, 14-15 число) Толалтэ нунал вакчи, ӝог пеймыт луэ. Ӝытпал кин ке пелепонам жингыртӥсь луиз – Лена Каракулова. Пайми. Ми соин сокем эшъёс ӧй вал, шуод-а мар-а. Куд-ог дыръя Чипчирганэн сцена вылэ поталляз, репетициосы ветлылӥз, ачиз Эктон корка студие пыриське вал. «Мар, – пе, – туннэ ӝыт ужаськод, уг-а поты Эктон корка репетицие лыктэмед?» Мон?! Чипчирганэ но ветлэме аслым бадӟым шуд потэ вал, нош Прокопьевлэн студияз эктыны ветлон сярысь йырам ик ӧз лыктылы – кышкыт. Кыкетӥ курсын дыръям Андрей Николаевич милемыз дышетӥз но монэ 2 пол пересдачае лэзьялляз, нош али со доры репетицие мыноно. Кызьы бичаськемме ик уг тодӥськы ни. Троллейбусэ пуксем бере гинэ йырам лыктӥз: «Мон, как бэ, не то что алама эктӥсько... Мон же эктын воксё уг быгатӥськы. Дура. Али зал шоры султытозы но эктытозы. Мар каро???» Кин ке блогме куддыръя лыдӟылэ ке, тодэ мон «мастер по самонакрутке» шуыса. Вакчияк. Репетициысь ӧз уллялэ, огнаме эктыны ӧз косэ, но мон собере эшшо толэзь пала кышкаса улӥ куд-ог тыпыртонэз уг пӧрмыты ке, ӧс пала шонтозы. Ӧз шонтэ. АН оскиз, лэся. Нош толэзь ортчыса нырысетӥзэ сцена вылэ поттӥзы, ӵапак вордскем ёросам концерт вал. Жаляса верано, видео ӧз кыльы, туспуктэмъёс гинэ.

Эшшо кызьы ке ӝыны толэзь ортчыса монэ Чайковский каре басьтӥзы. Самой зол Куатен эктон сюлмам пыӵаз, малы ке шуоно со нырысетӥ эктон, кудзэ мон адӟи студимылэсь, мон со видеоез али но наизусть тодӥсько!

Нош табере ачим эктӥсько, видеоын али ымныры шоры учкисько – уг оскиськы кадь пыдъёсы экто, киосы выро шуыса. Али кадь тодӥсько шонертэм вырӟи, АН йырыныз шонтӥз: «Вазь на!». Прокопьев юри барабанзэ выж вылэ пуктэ, мон кышкаменым йырин ваче потонамы сурасько шуыса... Киосме шонертэм шонасько. Пумаз ымныры воксё паймемын – мукет гур кутскиз, нош мон сое уг тодӥськы!! Мар кароно?! Толон вал со шат? 2 ар ортчиз ни...

Зэмзэ вераны ке, али эктэме трослы пӧртэм ӧвӧл!:D

Эктон Корка 2014

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер