Дневники второй поездки. Петрович-Зангарик

День 1

Ӝуткимы инбаме. Милям Петроваен кулыса серекъяммы понна котькин валаз, дыр, нырысьсэ самолетэ пускимы шуыса. Реально лобӟиськом. Реально пилемъёс ми улын. Пельын наушник, отын кырӟа Ваня Белослудцев. Берлинозь 2.01 час кылиз, пе.

Толон Ижкарысь поездэн потыса, али ми ИФУСКО нимо конференцие мынӥськомы. Туэ Финн-угор студентъёслэн калыккуспо конференцизы ас 30 арес юбилейзэ пусъе. Нырысьсэ со финн-угор кылъёсты дышетӥсь немец студентъесын радъямын вал 1984тӥ арын. Соин ик малпан кылдӥз юбилейной араз но Германие берен вуыны. Кылем арын Сыктывкарын ортчись конференциын немец делегация ӧтиз вань студентъёсты 2014 аре конференцилэн вордскем караз лыктыны - Гёттингэнэ.

Одӥг уйзэ Муское мынӥсь Италмас поездын зуркаса но киви сиыса Россилэн шоркараз вуимы. Кырсь. Паймымон, но туннэ саламъёсын тыр чемоданме огпол гинэ ӝуткано луи. Улон воштӥське, адямиос сярысь малпасьыкыны кутскиллям, лэся.

Россия-Белоруссия гож пыр потӥськом. Укно сьӧрын - чагыр инбам. Утчай "Инмар дорын куноын" нимо вай-фай герӟетэз. Ӧй шедьты, соин азьланьтӥсько постме.

Ижкарын конференцилы дасяськыкумы ай, Настяен кенешыса одӥг малпанэ вуим - Германие аслобетэн мыном. Поездэн мынонъя выжы но лэзьыса вуттод, дыр, семья шедьтыны, пинал вайыны :) Кышкыт ке но, лобӟом. Берлинын улӥсь апае Lufthansa но Airberlin дунтэм авиакомпаниосты дэмлаз. #алилуйя визьмы тырмиз эйрберлинысь билет басьтыны, м.к.ш. кылем арняе люфтхансаысь ужасьёс бастовать каризы. От греха подальше, шуод-а мар-а. ЭТТЭНШН. Дэмлан #1 Басьтэ билет онлайн, регистрация ортче онлайн! Трослы капчи!

Немец кылын шаплы батьыртись мусо нылашъёс вӧзамы вуизы. Сиён-юон дэмлало. УДМУРТ ФИЛОЛОГИЫСЬ АНГЛИ КЫЛЪЯ ДЫШЕТИСЬЁС, ЮН ТАЗАЛЫК ТИЛЕД!!! :) Могаса ке но, сырен сэндвич басьтӥмы.

Мускоез кыкнамы туж ик ум яратӥське бере, Шор карлудэ пыратэк, Ленинэз адӟытэк аэропортэ дыртӥм. Тужгес но капчи аэроэкспрессэн мыныны, дуныз 340 манет 1 адямилы, семьяен ке - 600 манет, ми семья ог-огенымы та ветлонамы ӧм на кылдытэ, соин ик нырысетӥ вариант тупаз. 40 минут ортчыса Петрова самолетъёсты туспуктылэ вал ини Домодедовоын. Дэмлан # 2 Вазьгес мынэ аэропортэ, уд тодэ, мар со черод. Асьмеос но ӧм валалэ, кызьы посадочной талон киямы сётизы но чемоданъёсмы конвеер вылтӥ уяса кошкизы. Эшшо 3 час солань-талань костаськимы. Киви сиимы. Настя Чеберай ӵошатскон сярысь пыр-поч мадиз, мон магистратураысь кивалтӥсьмылы электрон гожтэт келяй (вуи ке, йырме маяллялоз ай, дыр, бер ивортэме понна "Сорри, мон туннэ 17.30 часын параяды уг вуы, т.к. соку Берлинэ лобӟо ни самолетэн, калыккуспо конференцие мынко #монлох #макародна)

Эшшо туннэ Петрова ЛОХ ДНЯ ним мынэсьтым утӥз. Таможенной контроль пыр потыкумы сое ӝегатӥзы сумкаяз ВИЛКА нулдэмез понна. Пфф :) Контрольын сылӥсь нылкышно серекъянзэ кутыны ӧз быгаты даже :)

3STSekwllPE

Лобӟиськом али Польша йылтӥ. 1 час, полет нормальный.

Вакчияк, мар вал азьланяз.

Мускыт, шуныт омыр милемыз кунояса ӟыгыртӥз. Татын ваньмыз сяськаяське, Петровиче даже шунды улын ӝуалоз шуыса кышка. Апаеным поръямы на кӧня ке ӝытазе (т.е. уин), гажано Симо Кантелеез пумитам но мон финнъёсын эшшо поръяны потай на. Омыыыыр.. Кыӵе татын омыр! Шокаса кӧт уг тыры! Быдэс уй шузимыса тылобурдоос чирдӥзы, уин сайкакум нюлэскын изисько шуыса потӥз.

#обнимашки #мимимишки

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер