Чибориё Китай

Шереметьево аэропорт.. дугдылытэк самолётъёслэн вуылэмзы сярысь ивортӥсь табло шоры учкиськомы. Мон но Лида – Башкириын будэм, Мускоын улӥсь нылаш. Кыкнамы но нырысьсэ таӵе аспӧртэмлыко но бадӟым делегациез пумитаськомы.. Китай шаерысь. Брангурт фестиваль сэрен Ижкаре лыкто, 26 адями – та сяна соос сярысь номыре уг тодӥськы. Самолёт пуксиз. Табере соослы таможенной контроль пыр ортчоно на. 20 минут, час, эшшо ӝыны час, калык потэ но потэ, нош мынамъёсыз ӧвӧл на..

Кыӵеесь соос? Оло зэм но одӥг тусо-а? Кызьы мон соосты ог-огзылэсь висъяло? Верасько-а англи кылын? Уг ке, неужто ӝыны ар ӵоже дышетэм китай кылме тодам ваёно луоз? Ваньмыз та юанъёс йырам бергало, жадем вылысь эшшо но зол курадӟытыса. Оло соос, монэ синйылтытэк, ортчизы ни? Тани кыӵе ке тодмо китай монах вуэ, сьӧраз 80 дышетскисьсэ ваем. Соосты час пала телевидение возьма ни. Эсьмаса синучконме поттӥ, оло Первый каналэ сюрод но шӧтэм луод :D

фотография (5)

фотография (4)

Ым трос вушйисько, нош со вакытэ ик аниме мультфильмысь потэм кадь нылъёс кылдо. Дӥсьсы яркыт, ансамбльзылэсь нимзэ шарая – «Красочный Китай» ӟуч кылэ берыктыса пӧрме. Пельпум сьӧразы angry birds шудонысь лек тылобурдоос но парсьёс, киосазы – туала гаӝетъёс – кильтро чехолэ бинялтэм айфонъёс но кирпич быдӟа самсунг гелэкси телефонъёс. Нылашъёс ог-огенызы шатырр китай кылын верасько, дугдылытэк ог-огзэс туспуктыло, соку ик вотэсэ кушто. Автобус, вокзал, поезд.. суредъёс син азьтӥ лобӟыса ортчо. 1 час уйшор бере, пукисько купеын, вагонын мырдэм шыпыт луиз.

фотография (1)

Ӵукна бускель китай пияш куноятэ кыӵе ке йӧспӧртэм арбериен, таки уг валаськы, мар вераны тырше. "Веръя", - шуыса кошке. Китай сосиска вылэм. Нялтас вераса, ӵук сиёнамы но сосискаос вал.. ӟуч.. медаз лусалзы, дыр :)

фотография (3)

Азьпалан – Ижкар но Брангурт фествиаль но трос быдтэм нерваос.. :)

P.S. вокзалын «витьымтэ шорысь» удмурт кырӟанъёсын пумитазы, тунсыко вылэм та йылол шоры мукет палысен учкыны :) туспуктэмъёс, нянь, таляк ӝутонтэм чемоданъёс но кунокуа ;) нош ӵуказе - цирк, пресс-конферениция но котырес ӝӧк Эшъяськон юртын.

фотография (2)

фотография

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер