Берлин. IPhone трип.

День 2

IMG_1531

Толон укыыыр жадемын вал бере, хостелмы сярысь рос-прос гожтыса но ӧй ни вутты. Нимыз BAXPAX downtown (http://baxpax.de/en/downtown/), сое дэмлаз милемлы Симо, нош мон дэмласько тӥледлы Берлинэ вуиды ке. Уд ке утчаське 7-кизилем кунокуа, таиз, малпасько, тупалоз. Чылкыт, мусо, шуныт. Комнатаын улӥськомы 2 пиосмуртэн #внезапно но 1 нылашен. Проблематэк. Ӵукна сиськыны луэ нырысетӥ этажысь барын, уин отын ик сур юыны луэ :) ваньзы ӟеч верасько англи кылын, котьку юрттыны дась.

Юрттон сярысь нимысьтыз гожтыны кулэ. Мон, конечно, лыктыкумы валасько вал, кыӵе ке секыт югдуре шеди ке яке юанъёсы луизы ке, котьку но быгато юрттэт, валэктон шедьтыны. Но мон воксё пайми, кыӵе немецъёс сюлмысь юрттыны дась! Кӧня ке пол, чик юрттэт курытэк (ымнырам сотэк но гожтэмын вал, вылды), милемлы адямиос асьсэос вазиськылӥзы, маке валэктоно-а шуыса.

Хостелын сюлмо ужасьёс дэмлазы милемлы Насьтаен одно ик Берлинтӥ экскурсие ветлыны, со, пе, улонни дунэ пыре. Ми шуизиесь ӧвӧл, дунтэк экскурсие мыныны кариським.

IMG_1468

Табере вакчияк экскурсоводмы сярысь. Огъя пумиськон интые вуыса милемыз пӧртэм буёло носкиен кышномурт пумитаз но туж ӝог маке англи кылын юаз. Мырдэм валай: англи яке испан кылын вераськиськом. Настя англи кылэз испан кыллэсь кӧня ке ӟечгес тодэ бере, мынӥмы нырысетӥяз. Гидмы Глазгоысь вылэм, англи кыл - анай кылыз, пе. Соку гинэ валай, малы сое кылзыса тыбыртӥм ву ваське. 5 ар университетын дышетскыса Глазгоысь кышномуртлэсь командаоссэ: ойдолэ, дугдэ, сылэ, учке - мон валай! :) Кылемзэ - интуиция, гугл, огъя тодон, логика, 3-4 тодмо кыл. Асме воксё шузи возьматонтэм вылысь, кӧня ке верало, мае адӟимы но валамы (!!!) Берлин

IMG_1545

Чылкак восторге вуи Берлинысь светофоръёслэсь. Соослэн аспӧртэмлыко ӝуась горд но вож адямиоосы вань (ӵуж буёл чик ӧвӧл). Светофорын гинэ ке, ярам вал. Визьмо немецъёс та пичи ӝуась пусъёслэсь зэмос бренд лэсьтӥзы - котькуд сувенирной лавкаын шедьтыны быгатоды пӧртэм-пӧртэм арбериосын. Татын ик гижылы пилка, тӧркы, магнит, футболка, сумка, айфонлы кейс но трос мукет. Котькытын вож яке горд адями. НИМЫСЬТЫЗ ТА БРЕНДЛЭН ЛАВКАЕЗ НО ВАНЬ.

Озьыен, калыкен но экскурсоводэн валче кӧттырмонамы поръяса, зор улэ сюрыса но чылкак кынмыса ми Петровичен группамылэсь пегӟим, эшшо поръям, ышим, урамысь басьтыса ческыт хот-дог сиим но йырмы ужаны кутскемен шонер сюрес шедьтӥм (зэмзэ ке, пересь немец воргорон юрттӥз). Ӝыт апаеным пумиськимы на но со милемды ресторанэ нуиз, кытын ми веръямы зэмос локальной сиёнэӟ мон - пырсатэм картошка (ростиксын кадьгес так то) но ческыт берлинской сосискаосты, Настя - мюнхенской сосискаосты ческыттэм шуныт сылалтэм кубистаен. Десертлы (кӧня шокан вал на) - ческыт штрудель но секыт нимо но чебер тусо арбери.

IMG_1500

Мырдэм пыдэз кыскаса но кӧтэз кутыса эшшо кӧня ке поръям но ӝуштыса хостелэ бертӥм. Мынам ӟыгары тырмиз на Берлинэ бызем удмурт нылашен пумиськыны, ачиз Сьӧлтаысь, тулыспалысен улэ Берлинын, мӧзме удмуртъёслэсь, нимыз Лариса, азьло ужаз Ижкарын киужъёсъя центрын. Киосыз зарнилэсь, дыр, Берлинэ вуылӥды ке, одно ик пумиськылэ яке, кылсярысь, асьтэлы куэмдэреме солы заказтыны быгатӥськоды! Реклама вал :)

Изимы кулыса, уӵы чирдэмез ӧй ни кылы.

IMG_1531

ТОП-10 юанъёс Эстониын улон-вылон сярысь ТОП-10 юанъёс Эстониын улон-вылон сярысь Nordic Trip. Part I. Lapland. Nordic Trip. Part I. Lapland. Rīga Rīga Зангари шаер Зангари шаер